Во септември 2019 год. започна имплементацијата на проектот „Креирање одржливи можности за претприемништво“, финансиран од Амбасадата на САД во Република Северна Македонија а во реализација на Фондација за Претприемачки Сервис за Млади (ПСМ).

Главната цел на проектот е да придонесе кон развојот на младинското претприемништво преку охрабрување и стимулирање на млади луѓе, особено жени од источните краеви на земјата да креираат иновативни бизнис идеи и отвараат нови бизниси, што  на подолг рок би резултирало со зацврстување на капацитетите на младите луѓе,  претприемачите како и целокупниот претприемачкиот потенцијал на земјата, креирање на одржлив економски развој,  повисока стапка на вработеност и помала имиграција.

Во рамките на проектот ќе бидат спроведени неколку активности наменети за млади луѓе на возраст од 18-30, со посебен фокус на жени:

• Две 5-дневни работилници во Струмица и Штип, на тема како да се започне свој бизнис, распоредени во 5 модули: подготовка на бизнис план, пристап до финансии, правни регулации, маркетинг и продажба и социјално претприемништво;
• 2-дневен бизнис предизвик каде учесниците во соработка со ментори ќе имаат можност да изработат бизнис планови за иновативни бизнис идеи и ги претстават пред стручно жири во борба за награда;
• 3 најиновативни бизнис идеи кои ќе бидат избрани ќе добијат награда и можност за реализација на својот бизнис план/креирање свој бизнис;
• Креирање онлајн курс за започнување свој бизнис и социјално претприемништво, кој ќе биде бесплатен и достапен за сите заинтересирани на платформата pretpriemacedu.mk;

Спроведените проектни активности се очекува да резултираат со зајакнување на капацитетите на повеќе од 100 млади луѓе и жени со практични вештини и знаења за водење (социјален) бизнис кои би биле корисни за раст и развој на сопствените бизниси. Покрај работилниците наменети за ограничен број на учесници, креираниот онлајн курс ќе биде извор на знаење кој ќе биде слободно достапен за користење и во иднина, на сите заинтересирани сегашни и идни претприемачи. Дополнително, победниците во бизнис предизвикот ќе имаат можност и поддршка за реализација на својата бизнис идеја.

Проектот „Креирање одржливи можности за претприемништво“ е финансиран од Амбасадата на САД во Република Северна Македонија преку програмата за мали грантови за демократија и ќе се спроведува во период од 12 месеци, од септември 2019 до септември 2020 година во источните делови на Македонија.
 

Овој проект е поддржан од Амбасадата на САД. Мислењата, откритијата и заклучоците или препораките изнесени овде се на имплементаторот (ите)/ авторот (ите) и не ги одразуваат оние на Владата на САД.